Herridantza dantza taldea, Muxikoak eta beste euskal dantzak dantzatzeko elkartzen garen pertsonek osatzen dugu. Adin eta maila guztietako jendea aurki daiteke bertan, egiten ditugun dantzek ez baitute, ez adinez ez mailez ulertzen.

Dantza egiten dugu pausoak bizirik mantentzeko eta ondo pasatzeko. Beraz, astero elkartzen gara talde ezberdinetan eta ordu ezberdinetan dantza klaseak emateko. Gainera, hilean behin kalera ateratzen gara beste herritar batzuekin batera dantzarako gogoa asetzeko asmoz.

GURE HISTORIA

Donostiako lagun batzuk dantzan aritu eta ikasteko bildu ginenean sortu zen Herridantza. Elkarte bezala 2009an hasi genuen ibilbidea, orduan talde txikia ginen, gaur egun ordea talde handi eta sendoa gara.

Gure ohiko ihardueraz gain, beste ekintza askotan parte hartzen dugu. Donostia Kulturarekin kolaboratzen dugu jaietan, adibidez Santo Tomasetan, Aste Nagusia, Euskal jaietan eta abar.  Donostiako Piratekin badira hainbat urte saio berezi bat egiten dugula kaian. Auzo ezberdinetako jaietan ere parte hartzen dugu, Antiguoko San Sebastianetan,  eta Amara Berriko jaietan.

GURE JARDUERAK

Urritik-maiatzera: talde eta ordu ezberdinetan biltzen gara astero, urratsak ikasi eta entsaiatzeko.

Irailetik-ekainera: hilaren hirugarren igandeetan, eguerdiko 12:00etatik 13:30etara, Donostiako Bulebarrean dantzatzen dugu, edonork parte hartu dezakeelarik.

Udan zehar: ospakizun eta erromeria ezberdinetan parte hartzen dugu, edonork parte hartu dezakeelarik.

Beraz, dantza egin eta gozatu nahi izanez gero gonbidatuta zaudete gurekin dantza egitera.

Zuzendaritza-taldea: